• A
  • A
  • A
  • АБВ
  • АБВ
  • АБВ
  • А
  • А
  • А
  • А
  • А
Обычная версия сайта

Cal u institut

Institut cal Madënẖo w cal Dëroše Catiqe, b Madrašto clayto d akonomi, mena bcoţo w mena ste ylofo, facolo cal Madënẖo w cal mawaḏic d qëryono, maşre ba klasikiye d Madënẖo l yolufe d këtte calaqa b Madënẖo. bu sahmo du cwodano, kmitahwe yuqro xaş l nuqţe šrize d laltaẖ:

 

  • b gaw ẖa gëšmo akademiki, tëltimo d yaḏoce më dëroše cal Madënẖo, më filologi catiqo w më tarix d dore catiqe, hano gëd ubelan ëmkan d ţëworo rwiẖo b gawe d fërce b ẖaqlo dë bcoţo
  • rboţo d yëlfono cal Madënẖo d meqem w bcoţo d kit ucdo, ylofo w tëwlifo b kul darǧo w më kul xaşra calaqa mbadalto howe, më ẖa lu ẖreno
  • rwoẖo b manatëq sim aclayye dërošo, mena lišono w mena cade, hul d kit ëmkan, joǧrafya harke d mimodo rwëẖto
  • mawaḏic rwiẖe du bcoţo (më yëlfono d cal lišono w hul l dërošo b marduṯo)
  • cboro b darbo, yëlfono cam bcoţe d akademi
  • më qariwe cwodo cam markaze dë bcoţo b Ruşya w b cëlmo
  • froso b taknik d adyawma

Arco d fëlẖono

Bu institut cwodo d bacoţe, bi cade aǧlab kowe cal fage d kit b yëlfono cal Madënẖo w cal yëlfone klasikiye, hani ste kowën:

Čin, Yapan, Qore, Viyetnam, Laos, Ţayland, Moǧolistan, Tibet, Iran, Hënd catëqto, ţayuṯo b Hënd w Pakistan, lišone w marduṯo bë Dravidyan bu Hënd, Tërkiya w mëžǧëlone d lišono tërki b aṯrawoṯo d Asya gawayto, cëlmo d carab, Atiopya w Aritreya, Beṯ-Nahrin catëqto, Ţawra w cëlmo d këtla, Madënẖo mšiẖoyo, sëryoyo (urhoyo) w dëroše d oromoyo ẖaṯo, Roma w Yawnan d meqëm, arkeologi b Madënẖo catiqo, Madënẖo d Ruşya w Madënẖo d Ruşya taẖtayto.
 

Bu bcoţo am mawaḏic asasiye kowën hani d laltaẖ:

  • kṯawyoṯo šriẖe w mcadle dë mtarjëmi cal i waraṯe layëmto d kit më Madënẖo (i proža yarëxto lë bcoţo w froso “ba kṯiwoṯo catiqe cal zabno d dore catiqe d Madënẖo w d Yawnan-Roma”)
  • Bcoţo cal kṯawto d dore catiqe w doro gawoyo b Madënẖo
  • Bcoţo cal cëlmo d mimro bi kṯawto d Madënẖo b doro gawoyo (Iran, Hënd, Čin, Yapan)
  • Dëroše d qiyoso bayn l marduṯo b Madënẖo w Macërbo (dore catiqe – doro gawoyo – doro modern)
  • Lišone ẖaṯe w catiqe b Madënẖo w b Afriqa (samiye, hënd-awruppawiye, alţayiye, hënd-činiye, lišono tibetoyo bu Čin) b zabno d këtwolle waşëf, cam qiyoso w maḏco tarixi
  • Dëroše folkloriye, bcoţo cal mitologya, cal dine camoye b aṯrawoṯo d Madënẖo (arco d fëlẖono, froso w xtomo d analize)

Froso da kṯawyoṯo

Bu institut ab bacoţe yalife, këtte tajrëbe rabṯo bu froso da mgale akadamiye d kit b cëlmo, hani harke xëd Web of Science and Scopus, kmitaẖti kulle b databas rize cam madëlono (index) d bibliografya. A kṯawyoṯo driše (monografe) d kuwalle, kmëfrosi më laf farose rabe b cëlmo xëd Brill, de Gruyter w Oxford University Press.

Proža d këtle lu institut, kẖëwyo i ẖalëqto d “Orientalia et Classica”, haṯe heš këmdawmo, hul ucdo nafëqla 65 jëlode, acma ste bayn d cëlmo mgalṯo akademiyayto b cayni ëšmo, kṯawyoṯo akademiyoye, kṯowe xaş, hani kṯiwi b sëhomo d malfone qbile, kmëfrosi b beṯ-frose ruşoye w nëxroye. Harke, u institut b ẖalëqyoṯo, frësle “Babel und Bibel” bayn d cëlmo cam Eisenbrauns Publishers. Hani, Web of Science w Scopus, sëmlelën madëlono (index). Ǧer mawxa, naqla ẖreto fris ẖalëqyoṯo d IOCS cam Gorgias Press—the Journal of Language Relationship, i mgalṯo akademiyayto b cëlmo (harke u cwodo dë mqadëm, sahmo rabo mene, b lišono ingilizi kowe).

 

Fërce d yëlfono:


A programe rabe dë ylofo bu institut:

  • Tarix cal dore catiqe bë Srayel w cal dëroše bu mgalyën
  • Lišono w kṯawto bu Hënd
  • Lišono w kṯawto bu Iran
  • Lišono w kṯawto bu Čin
  • Lišono w kṯawto b Hëndi-čini w b madënẖo d Asya taẖtayto
  • Lišono w kṯawto bu Yapan
  • Lišono w kṯawto b Qore
  • Lišono w kṯawto b dore catiqe d Beṯ-Nahrin
  • Lišono w kṯawto b dore catiqe d Suriya w Fëlësţin
  • Filologi d lišono ẖabaši w carabi
  • Lišono w kṯawto b aṯrawoṯo d carab
  • Lišono w kṯawto bu Hënd (ţamili w sansëkriti)
  • Lišono w kṯawto bu Hënd w b Asya taẖtayto, bu sahmo ţayo (urdu w farësi)
  • Lišono w kṯawto b Moǧolistan w Tibet
  • Lišono w kṯawto d came b lišono tërki
  • Tarix d dore catiqe b Roma w b Yawnan
  • Filologi catiqo

 

Ylofo w dërošo d lišono:

sumaroyo, akadoyo, ugaritoyo, faniqoyo, cëbroyo, oromoyo catiqo (šëklat d këtle), suryoyo (urhoyo), lišone oromoye ẖaṯe (acmayye şurayt), hurroyo, hititoyo, ẖabašoyo catiqo (ge’ez), lišone carabi w carabi (standard) kṯiwo, amharoyo, tigrinoyo, soqotri, sansëkriti, hëndi, pali, prakritsoyo, ladaxi, tamiloyo, farësi ẖaṯo w catiqo, urdu, čini catiqo (wenyan), yapanoyo, yapanoyo catiqo (bungo), qori, viyetnamoyo, ṯay, lao, xmeri, moǧoloyo, tibetoyo, čaǧatoyo, tërki catiqo, tërki catiqo d oşmaniye, tërki, yawnoyo catiqo, latini, lišone anadoliye w alţayiye, točaryan, qafqasoye, tibetoyo čini, awusţro-asyawi, dravidyan, čukotko-kamčatkani, yeniseyan w xoyşan.
 

Dëroše yëlfonoye

Institut cal Madënẖo w cal Dëroše Catiqe, am mawaḏic rišoye d këtle b dëroše yëlfonoye, kowën hani d laltaẖ:

  • Madënẖo catiqo, filologi d lišono oromoyo, dëroše d qiyoso bayn lišone samiye, laltaẖ-laltaẖ bi Sëcudiye lišono d came w folklor
  • Qiyoso d tarix b yëlfono d lišono, më ruẖqe bayn d lišone dërošo d ahlitiye d këtte, šëkël d şënofo sţatistiki cal jëns d lišone
  • Filologi catiqo, tarix d dore catiqe d yawnoye w latinoye (kṯawto, lišono d camo, mitologi w tarix d dawle qamayto d këtte)
  • Dore catiqe b mënţëqa d Madënẖo-qariwo, Suriya, Fëlësţin nëbce cal tarix, marduṯo w dino bayn d dore modern w gawoyo
  • Kiwoṯo kṯiwe cal Hënd, Iran, Moǧolistan w Tibet (filologi d budoyuṯo, lišono w kṯawto d farësi, kṯiwoṯo b iḏo d moǧoloye, šëklat dë kṯawto)
  • Asya raẖëqto w madënẖo b Asya taẖtayto (lišono, kṯawto, tarix, marduṯo, folklor w cadat d dino bu Čin, bu Yapan, b Qore, b Viyetnam, b Qambočya, b Laos, b Ţayland)
  • B gaw d dëroše d fërce d kit, qiyoso bayn d dëroše d marduṯo d kuwalle.

 

Нашли опечатку?
Выделите её, нажмите Ctrl+Enter и отправьте нам уведомление. Спасибо за участие!